Харри Поттерийн кинонууд

Кино шүүмжлэгчдийн хэлсэн зоргоор киноны ашиг ихэнхдээ тодорхойлогддоггүй. Эцсийн эцэст Оскар, Алтан Бөмбөрцөг, цаашилбал Канн, Венец зэргийн томоохон кино наадмуудын үеэр л эдгээр хүмүүсийн санал бодол тооцогддог.

Надад Харри Поттер-н номнууд таалагддаг, олон удаа уншсан, харин кинонууд нь ерөөс таалагддаггүй. 4-с хойш кинонуудыг нь ганц ганц удаа л үзсэн. Гэтэл кинонуудыг шүүмжлэгчид ихэд өндөр хүлээж авдаг юм билээ. Миний хамгийн дургүй кино (номнууд дотроо бол дуртай) болох Азкабаны хоригдол нь "Муудсан Помидор" дээр кино цуврал дотроо хамгийн өндөр буюу 89 хувьтай. Гэтэл энэ нь хамгийн бага ашиг олсон кино нь. Ер нь ажиглаад байхад ямарч байсан Харри Поттерийн кинонууд дээр шүүмжлэгчид, бокс оффис хоёр урвуу хамааралтай байх юм. Зураг харагдахгүй бол дараад үзээрэй.


Эх сурвалж: http://bit.ly/8su0mD

Мргэжлийн критикүүдийн үе дуусч байгаам байлгүй дээ...

Шинэ он, шинэ эхлэл

Саяхан л шинэ мянган гарлаа гээд бөөн юм болж байсан мэт санагдаж байна. Y2K bug бүх компьютерийг будаа болгоно гээд л. BBC-гээр шөнөжин ийм улсад ч ийм баяр болж байна, ийм улсад ч ингэж байна гээд л. Гэтэл бүтэн 10 жилийн өмнөх үйл явдал, би ч дөнгөж 7 настай байжээ. Тэр өдрийн хамгийн сайн санаж байгаа зүйлс нь Нью-Йоркын Times Square-д баярлаж байгаа хүмүүсийн тарьсан хог, мөн дөнгөж шинээр Европт евро хэрэглэгдэж байхад BBC-ын нэг тайлбарлагч түүнийг нь далимдуулаад дэлгүүрээс виног еврогоор тавьсан үнийг нь доич маркаар төлөөд хоёр дахин хямд авч байсан явдал. Одоо бодохнээ тэр үед нас бага ч гэсэн мэдээ их үздэг байж.

Одоо харин 2010 оны 1 сарын 1. Их Сургуульд орсон, хичээлдээ суралцаж байна.

Харин дахиад 10 жилийн дараа 2020 онд 27 настай болно. Юу бүтээх вэ, ямар хүн болсон байх вэ, хаана хэрхэн амьдарч байх вэ, юу сурч авсан байх бол? Сүүлийн үед ингэж их ирээдүй гэрэлтэж харагдаж байсангүй. Тэмүүлээд байна даа.



За тэгээд бүгдээрээ шинэ оны мэнд хүргэе!

H1N1 Монголд - Маск

А томуугийн H1N1 вирус Монголд орж ирлээ. Анх 2009 оны 4 сард нээгдсэн энэ вирус нь хүн, шувуу, гахайд тохиолдох 4 өөр вирусны холимог. Одоогоор 208268 хүн өвчилсөн нь батлагдсан бөгөөд 4433 хүн нас барсан буюу нийт авчлөгсдийн 2.1 хувь нь нас барсан. Гэхдээ энэ бол "албан ёсны" мэдээ. ДЭМБ-ийн тооцоолж байгаагаар өвчилсөн хүмүүсийн дийлэнх нь долоо хоногийн дотор эдгэж, бүртгэгдэхгүй байгаа. Харьцуулахад жилд жирийн томуугаар АНУ-ын хүн амын 5-аас 20% нь өвчилж 36000 орчим хүн нас бардаг. Дэлхийн хэмжээгээр энэ тоо хэд дахин нэмэгдэх нь мэдээж

Монголчууд маскний арай хэтрүүлээд байх шиг байна. ДЭМБ-ын FAQ хуудас болон АНУ-ын Center for Disease Prevention -н хэлж байгаагаар бол өвчлөөгүй тохиолдолд маск зүүхийг зөвлөхгүй байна гэжээ. Зөвхөн өөрөө туссан буюу туссан хүнийг эмчилж буй нөхцөлд л заавал зүү гэж байгаа бөгөөд маскийн буруу хэрэглээ нь өвчлөх тохиолдлыг ихэсгэж магадгүй гэжээ. Ядаж л маск зүүвэл түүнд битгий хүр гэж байна.

Маск зүүхийн оронд дараах зүйлсийг хийх нь илүү ач холбогдолтой:
-хамар, амандаа гараараа хүрэхгүй байх;
-саван ба усаар гараа сайтар угаах, эсвэл спиртэд тулгуурласан гар ариутгагч хэрэглэх (ялангуяа ам, хамартаа хүрч буй үед, эсвэл бохирдсон байх магадлалтай гадаргуунуудад хүрсэн үед);
-өвчилсөн байж магадгүй хүмүүст ойртохгүй байх;
-болвол олон хүн цугларсан газарт байх цагаа багасгах;
-цонхоо онгойлгож өрөөнийхөө агаарын урсгалыг сайжруулах;
-эрүүл байх зан үйлс (сайтар унтаж амрах, тэжээл ихтэй хоол хүнс хэрэглэх, байнга хөдөлж байх)

ДЭМБ-ийн твиттер хаяг: http://twitter.com/whonews

Бие даалт бичих зааварчилгаа

Энэ сайтаас их сургууль, коллежид яаж бие даалт бичих талаар шог зааварчилгаа оруулжээ:
1.Эвтэйхэн босоо сандалтай, гэрэлтүүлэг сайтай газар компьютерийнхаа өмнө суу
2.Мессенжер, Фэйсбүүк, hi5-даа нэвтэр. Мэйлээ шалга
2.Сэдвээ сайтар нягталж унш
4.Анхаарлаа төвлөрүүлэхийн тулд шоколад авч ид
5.Мэйлээ шалга
6.Найз руугаа утасдаж кофе уух уу гэж асуу. Мэдээж биеэ ажиллахад төвлөрүүлэхийн тулд
7.Өрөөрүүгээ буцаад цэвэрхэн, гэрэлтүүлэг сайтай газар эвтэйхэн, босоо сандал дээр суу
8.Хийх ёстой сэдвээ баталгаатай ойлгосон байхын тулд дахин унш
9.Мэйлээ шалга
10.Аль бага сургуулийн үед найз байсан хүүхэд рүүтэйгээ харилдцаагүй болсныгоо санаж байна уу? Тэр захиаг түргэн бичихгүй бол анхаарлаа төвлөрүүлж чадахгүй шүү дээ
11.0-н өрөөнд өөрийн царайгаа толинд хар
12.Нэтээс хэдэн дуу тат
13.Мэйлээ шалга. ЭНЭ ТАНИЛ ХАРАГДАЖ БАЙНА УУ?
14.Ирээдүйн талаар (ж.нь. амралтын талаар) найзуудтайгаа мессенжерээр чатла
15.Мэйлээ шалга
16.Татсан дуунуудаа сонсож дахин хэдийг татах
17.Нөгөө давхарт байгаа найз руугаа утасдаж бие даалтаа бичиж эхлэсэн эсэхийг шалгах. Багш, курс, их сургууль, дэлхий нийтийг хараах
18.Дэлгүүрээс бохь худалдаж авах. Өмнөх хайрцаг чинь бодвол дуусаа биз
19.Нэгэнт дэлгүүр явсных, байгаа сонин, сэтгүүлийг худалдаж аван унших
20.Мэйлээ шалгах
21.ТВ мэдээг харж гайгүй нэвтрүүлгүүдийг бүгдийг нь үзэж буй эсэхээ шалгах
22.Компьютерийн хөзөр юм уу PC тоглоом тоглох
23. bored.com руу орох
24.Гараа угаа
25.Найз руугаа утасдаж хэр их хийснийг асуух, бодвол эхлээчгүй байх
26.Өрөөнийхөө найзын фото альбомыг үзэж хүмүүсийн талаар асуух
27.Газар сууж ирээдүйн төлөвлөөнийхөө талаар бодох
28. bored.com дээр шинэ зүйл орсон эсэхийг шалгах
29.Мэйлээ шалгаж шинэ дуунуудаа сонсох
30.Windows цагаа барьж дахин гацаж буй тул компьютероо рестартлах
31.Зүгээр л хийх юм олдохгүй бие даалтын сэдвээ дахин унших
32.Сандалаа цонхонд ойртуулж нар мандахыг харах
33.Газар доош харж хэвтэн ёолох
34.Ханыг цохиж ямар нэг юмыг эвдлэх
35.Мэйлээ шалга
36.Амандаа үглэж хараах
37.Өглөөний 5 цаг-зогсолтгүйгээр бие даалтаа нухах 6 цаг-дууссан
38.Тэр тэнэг бие даалтыг хийх гэж ерөөс унтаагүй гэж хүн болгонд үглэх
39.Хичээлдээ явж, даалгавраа өгч, гялс харин дуг хийх

Твиттер

Анх твиттерийн талаар сонсоод сошиал нетворк гэхээр нэг их таалагдаагүй юм. Үнэндээ бол надад фэйсбүүк, маиспэйс, hi5 зэрэг зүйлс цагны гарз гэж бодогддог. Харин нэт дээр твиттерийг "микроблог" гэсэн байхыг хараад туршаад үзье гэж бодсон. 4 сарын үед анхны твиттерээ бичээд одоо 500 орчим твийттэй, 90 орчим дагагчтай боллоо. Харин энэ 500-гийн хагас гаруйг нь зөвхөн 9 сард бичсэн бөгөөд "донтолт" явагдаж байна. Хурдан твийт бичихийн тулд гар утсандаа Snaptu, компьютертээ TweetDeck, twhirl, вэб хөтөчдөө Power Twitter, TwitterFox зэргийг суулгасан. Үүний ачаар компьютерээ 2 ч удаа гацаав.

Гэвч яг энэ үед ~дахин~ блог нээсэн бөгөөд твийтлэдэг болсноос хойш блогоо бүр мартсан. Твиттер дахь монголчуудын ихэнх нь анх блог бичээд, дараа нь твийтлэдэг болсон бол би яг эсрэгээр... Одоо харин блогтоо анхааръя... Хэзээ нэгэн цагт твиттер профайлынхаа "I barely update my blog" гэхийг авч хаяхын төлөө!

Бас Мобикомын пакт

Youtube дээр энэ бичлэгийг тавьсан боловч анхны бичлэг тул бараг хүн үзсэнгүй. Гэвч ийм юм болсон юм:
(Бичлэг)

Нэгжээ шалгах гэсэн чинь урдаас DUMMY гээд л... яасан их дургүй хүрвээ.

Мессеж бичих үнэ

Мобикомд гар утаснаас интернэтэд ороход 1 kB нь 8 мөнгө гэж байна. Гэтэл нэг мессеж бичихэд 19-өөс 40 төгрөг зарцуулагдана.

Амархаан тооцоо хийж үзье. Нэг мессеж нь 160 орчим үсэгтэй. Өөрөөр хэлбэл 160 орчим байт (160kB). Энэ нь 160/1024= 0.15625 kB, ганц килобайтын хаана ч хүрэхгүй.

1000 мессеж бичих үнэ дээр авч үзье. 1000 мессежийг гадны оператор руу явуулахад 40000 төг зарцуулагдана. Гэтэл 1000 мессеж гэдэг бол 156.25 kB буюу нөгөө интернэтэд орох үнээр бол 156,25*8мөнгө=1250 мөнгө=12.5 төгрөг

Өөрөөр хэлбэл бид 40000/12.5=3200 дахин их мөнгө төлж мессеж бичиж байна. Ийм болохоор хүмүүс утас дээрх и-мэйлийг идэвхижүүлээд бичвэл хамаагүй хямд тусах мэт санагдана. Эсвэл утсандаа Opera Mini-г суулган gogo-р үнэгүй мессеж бичээд л...